分顏色

某日人仔攞起張 label 紙晌度貼貼貼,於是我就隨手畫幾個格,教佢分顏色。佢差不多每貼一個都要少少提示,但我發現佢搣同貼貼紙都可以自己做,手指仔靈活咗呢！

另一次我攞咗幾張同貼紙同一顏色㗎紙，比佢對返顏色貼上去，一開始教一教佢佢就識跟返顏色貼。

其實一直都有教佢認顏色，不過佢好似唔係好識，次次問佢咩免色佢都話藍色，指住一樣嘢教佢係黃色，再問佢佢都係話藍色。佢係咪未了解顏色呢個概念呢？