平機票!返香港!

最近聽見有五百幾蚊來回機票返香港，好平呀！攪到我拖住兩件都心郁郁想返香港。諗咗個幾星期，老公請倒假，安排好我返工㗎日子，終於 book 咗機票啦！

我有五年冇返過香港啦！我所有親戚都晌香港，雖然好想返，但一直覺得細路細，返去好煩。人仔以前成日唔瞓覺，喊又喊得大聲，所以唔敢同佢坐飛機。依家佢大咗，希望會好啲啦！

其實係要返吓去㗎啦，太耐冇見啲親戚同朋友。而人仔下年可能正式返學，咁就唔可以 low season 返。二號仲細，依家返去都煩，但我覺得一係就一歲前返，一係就等到三歲。一、兩歲嗰啲時候識行識走但又未係好懂事，塔嗰轉飛機會好辛苦。

今次遇著平機票，係時候返吓去啦！希望旅途順利啦！