圖書館活動～ LEGO Day

我屋企附近㗎圖書館，每個月第三個星期六朝早都有 Lego Day. 今個星期六咁啱唔洗返工，就帶人仔去玩吓。

去到見都唔係咁多人，有一個 area 係玩 Duplo, 我就比人仔去嗰度玩。

佢一去到就揾車車出嚟玩，佢都唔係砌嘢嘅!哈哈！

大部份地方放咗枱櫈，側邊放有唔同顏色㗎 Lego, 以顏色分類，小朋友攞咗 Lego 之後就可以坐低慢慢砌。

人仔玩玩吓 Duplo 車仔，就四圍望，見其他小朋友坐晌度砌 Lego, 以為佢哋晌度做勞作，又話要去，於是我同佢去攞咗啲 Lego, 坐低慢慢砌。佢唔係好識砌，玩咗一陣又返去玩車仔。

其間睇咗本 Lego 書。

見有小朋友玩“吊馬騮”佢又走去玩。

玩完 Lego 再晌圖書館睇吓書就返屋企了。下次有機會會再去!