放假

話咁快，我媽已經嚟咗一個月，佢今日返香港了!真係唔捨得呢！

佢嚟到，我輕鬆好多。我媽好開通，又鐘意行吓街，出去食吓飯咁。我哋成日出街，飯都好少煮!煮少兩餐真係做少好多嘢㗎!

我媽嚟幫手睇吓人仔，我同老公就有機會拍吓拖，我自己又可以跑吓步，平時得我自己湊仔，冇可能做呢啲嘢呢！

最開心都係可以同佢傾計。平時有時差，佢要睇孫我要湊仔，冇咩時間可以慢慢傾。佢嚟到，我哋就算只係晌屋企執吓嘢，傾吓計，都好開心!

人大咗，越來越珍惜同佢一齊㗎時間，希望可以快啲再見面啦！

今朝送機，一場去到機場，當然要比人仔睇吓機啦！