紙盒結他

人仔鐘意音樂，成日扮打鼓，扮彈琴。一時話想要琴，一時又話要結他，又話要大提琴。隨手整個紙結他比佢玩吓先。雖然彈唔出聲，但佢都玩得好投入！

又好鐘意攞住枝 quad cane 扮 mic stand! 一聽到音樂就扮唱歌彈結他，個身仲要扭吓扭吓，當正自己係歌星!有時仲要我扮彈琴或者打鼓同佢夾 band!

估唔到一個結盒冇聲㗎結他佢都可以玩得咁開心!所以要小朋友開心滿足，唔需要花好多錢買好多嘢比佢，或者去咩特別㗎地方，簡單㗎玩具，有人同佢一齊玩，都可以好開心!