人仔話

人仔耐唔中都會作啲詞出嚟，有時要諗一諗至知佢講咩，但係又 make sense 㗎喎，例如：
倒車：即係泥頭車，會倒泥沙㗎車。其實我覺得呢款車叫倒車比泥頭車更貼切。英文都叫 dump truck 啦！

轆轆車：即係混凝土車。叫轆轆車只係因為架車後面有個轉得㗎大轆轆。

蛋糕餅：某日我開咗個零食櫃，佢一邊指住盒餅，一邊話“蛋糕餅”。我諗咗一諗至明點解佢叫盒餅做蛋糕餅。之前我整芝士蛋糕就係用呢盒餅壓碎做餅底，於是佢就叫呢盒餅做“蛋糕餅”。

彈琴叔叔歌
人仔鐘意聽歌，最近老公揾倒個組合係網琴加大提琴，人仔叫呢個組合㗎歌做“彈琴叔叔歌”。