平淡的新年

上 FB 見好多朋友，特別係晌香港嘅，新年好多節目，好熱鬧好開心。而我呢，年三十同初一，都係晌屋企過。呢兩日本來都有啲節目嘅，可惜我同人仔都病咗。。 。年三十清晨，我無端端肚痛，跟住又屙又嘔。。。 我諗我食錯嘢，但唔知係咩。人仔呢就咳同流鼻水，年三十晚仲有少少燒。好在第二日已經冇燒，但都比平日攰，佢朝早瞓到差唔多九點，中午食咗少少粥，玩咗陣，就話玩完，要瞓，跟住又好快瞓著喎。平時邊會咁易瞓倒。希望佢快啲好返！

點都好啦，希望新一年大家都健健康康啦！