放完一個月"假"

呢個月打少咗 blog, 因為我媽媽嚟咗。佢晌香港雖然幫我哥哥湊住兩個,但都節目多多,成日出街。咁佢嚟到當然唔可以要佢日日晌屋企湊仔啦,所以我地成日去街,飯都少煮咗好多呀,好似放假咁,哈哈!

上星期我哥哥阿嫂同大女過埋嚟玩,我地又去廸士尼又去咗幾日 San Diego, 好開心!就算唔出街,人仔同三歲㗎表姐晌屋企走嚟走去都好熱鬧。琴日佢地返香港啦,依家屋企靜晒,我又回復以往平淡㗎生活。之前掛住玩,佢地走咗我就有好多家務做, 可以 keep me busy, 唔係會覺得好失落。有時間記錄返我地㗎玩樂時間先!