跑出加州～Vegas之旅 Day 1

Vegas 一向唔係我家杯茶，無端端會去係因為我有朋友從香港嚟參加紐約馬拉松。佢山長水遠嚟到當然玩多幾日啦，咁我就話如果佢去西岸，咁我哋可以一齊跑返場喎!佢就揀咗去 Vegas, 順便去吓 Grand Canyon。我哋冇咁多時間，所以只係去Vegas 同佢會合，同佢跑返場 5k.

星期五一早執完嘢就上路。

經過 Mad Greek Cafe 食午餐，下午三點到達。二號算合作，上車玩咗一陣跟住瞓咗兩個鐘，係食完午餐嗰程喊咗一輪。

我哋租 AIRBNB, 間 apartment 入面幾好，但外面感覺好雜，有諗過即刻揾另一個地方，但好在冇事發生。

晌屋度攪一輪，之後出去超市買啲嘢返 apartment 食，過簡單㗎一晚。