Jazz Festival

寫完 Heritage Festival, 至發覺冇記錄底之前帶人仔去 Jazz Festival。

幾個星期前，近住屋企㗎一個 city 有個 Jazz Festival。見人仔鐘意音樂，就帶佢去睇吓。

嗰度有個大舞台，我哋去到嗰時冇人表演，所以行吓嗰度啲攤檔，之後去食晚餐。

食完出嚟見有人表演，就走去睇吓。當日雖然人山人海，但好容易就揾倒位坐啦。我哋坐得遠，不過人仔都睇得幾專心喎!

睇咗一段時間，就到中場休息。嗰時都夜啦，所以我哋就返屋企。

本來仲諗住之後嗰日再去多次，可惜冇時間。不過嗰度耐唔中都有啲音樂節，下次一定要再去!