同老公啲姪女傾計，佢哋晌度出世、長大、讀書，依家讀小學高年班。問佢哋有幾多功課，其中一個話佢哋學校話上年有人話讀書壓力大，所以今年試吓冇功課，所以除咗上堂做唔晒㗎練習、活動，可以攞返屋企做之外，都冇功課。問佢哋上年有幾多功課，要做幾耐，佢話多數兩、三樣，做一個鐘度，有時快啲做完，有時都幾難，要做耐啲。
平時㗎課外活動係學琴，每日都會練，之外有聽過佢哋學畫畫、學中文。另外都參加吓教會活動，行吓山，暑假就學吓游水咁。
暑假時除咗練琴，做一本媽媽買㗎練習之外，同參加一項課外活動之外，其他時間都係玩玩玩!冇出去玩的話，晌屋企就隨意玩吓電腦，學吓車衫，睇吓課外書咁，都好輕鬆。我諗香港㗎幼稚園學生都忙過佢哋呀！
晌呢邊讀書可以好 hea, 當然都有啲家長會谷啲細路啦。學樂器、學游水、上公文數，學珠心算。。。連 preschool , 都有啲 focus 晌學術方面，賣廣告話會教小朋友學深一年㗎嘢。私校程度亦會深一啲，聽講要入都幾 competitive 㗎。
有時覺得太 hea 同太谷都唔好。晌呢邊讀書，自由度同選擇都比香港好，希望揾倒適合人仔㗎教育方向啦!
同意，各走極端不太好~~不過最重要都係啱小朋友~~
ReplyDelete係呀，你講得好啱!
Delete你咁有心機，一定搵到個啱人仔嘅教育方向㗎
ReplyDelete希望啦！ :)
Delete呢邊都唔係個個都咁hea, 而hk 都未必個個都咁谷。 我地做父母既，個個都想佢地出人頭地，點叻點叻，但如果有個唔開心既童年，而佢地既朋友就係書本又真係幾慘。 地地對人仔咁熟悉，應該知點樣而岩人仔既。 加油！
ReplyDelete謝謝啊！
Delete最緊要都係小朋友開心健康!
呢邊都唔係個個都咁hea, 而hk 都未必個個都咁谷。 我地做父母既，個個都想佢地出人頭地，點叻點叻，但如果有個唔開心既童年，而佢地既朋友就係書本又真係幾慘。 地地對人仔咁熟悉，應該知點樣而岩人仔既。 加油！
ReplyDeleteIt depends a lot on the kids too.
ReplyDeleteMy oldest can be 谷, but the youngest can't.
Yes, even kids from the same family have different learning style!
Delete