魚魚圖書館

某日早上冇活動，諗起有幾個朋友介紹過某區㗎圖書館好靚，於是就同人仔去吓。嗰度有個大魚缸，所以我同人仔講話我哋去魚魚圖書館。

一入去就見到個大魚缸，真係好靚啊!入到去又有大恐龍、燈塔、穿梭機。。。

愛車㗎人仔每樣只係睇兩眼，一邊行，一邊話“呢度可能有車車。”行咗一圈，揾倒一個 section 有好多關於車㗎書，就坐低睇書，本本都係關於整路工程車㗎書!

之後再行吓，仲見倒好多中文書!如果我住近啲就好了，可以成日去借中文書了。好在屋企附近㗎圖書館都有少少中文書！

呢個圖書館真係好靚，但我覺得佢燈光唔夠，同埋難揾書啲，可能係唔熟格局啦。不過得閑去吓都唔錯，下次可以帶埋午餐去出面個公園野餐！