Summer storytime

有一排冇去過呢個圖書館㗎 storytime 啦,因為同其他活動撞時間，但原來兩歲至三歲㗎 storytime 係星期一，剛好冇活動，又可以去啦！

今個夏天㗎主題係 "Read to the Rhythm"。每次 storytime 都會介紹一種樂器同一類音樂，啱晒鐘意音樂㗎人仔!

完咗之後依舊有戶外活動時間。通常玩完再入返圖書館玩一齊，咁就過咗一個開心㗎早上啦！

幼兒游泳班

上年都上過一期，本來諗住自己同人仔得閑去玩吓水，唔洗再上堂，但屋企附近個泳池㗎 open swim time 唔係中午就係食晚飯前嗰啲時間，而且入去要比錢，既然係咁，就報多次 parent and tot swim lesson 算啦！

依家暫時上咗兩堂，人仔初時都驚驚地㗎，不過第二堂已經好咗少少，唔係成堂都樹熊咁攬住我!希望上多幾次佢唔會咁怕啦！

開始戒片了

原本打算下個星期試吓戒片，但幾日前人仔換完衫，冇著片，冇著褲之下走咗去玩，於是我乘機試吓同佢戒片，因佢已經識晌廁所 pee。

佢玩咗一陣我就叫佢去廁所，去完佢喊晒咁話要著片，於是我就同佢講唔著片就可以玩新火車玩具(呢件玩具係之前見平買落，但唔想無拿拿比新玩具佢玩，所以一直放咗晌度)。佢著咗條面褲之後就即刻走出去玩，唔再要片。

成功 pee 咗幾次之後賴咗一次。之後佢就主動話要著低褲(之前點都唔肯著㗎!)。

Pee 暫時要定時叫佢去，自己唔識主動同我講要去。賴咗幾次之後就好少失手，有時 nap time 冇片都得。又試過出街食飯都冇事。poop 就煩了！佢依然係一 poop 嗰時就話：“唔要媽媽。”，唔比我接近佢。咁我叫佢自己入去廁所，去落低褲都好，至少佢會養成晌廁所大大㗎習慣，不過佢係唔理我。亦試過即刻鼓勵佢坐廁所，但佢都係同以前一樣，一係就已經去咗，一係就坐好耐都冇嘢出。

佢好多時食完早餐會去，咁我就同佢去廁所玩啦，希望玩玩吓佢會去，但佢又冇喎。仲攪到佢時間亂晒，又去得少，如果攪到佢便秘就慘了。

日日都同佢講有 poo 要去廁所，佢自己都識講，又成日比佢睇我哋去廁所，又攞啲公仔示範。。。但係到佢自己去就去咗落低褲度。。。

睇過啲文章話有啲細路係咁，有啲會自己要求換返片至去倒。如果係咁，就要慢慢教佢要晌廁所去。首先要佢入廁所去，習慣之後要佢片坐廁所包住片咁去，再之後晌條片度剪個洞比佢坐低去，最後除片去。

不過人仔依家一開大時係都唔肯入廁所，唉，睇嚟有排攪。

沙灘 tide pool 遊

今日約咗朋友去沙灘，佢介紹潮退時可以去 tide pool 睇海洋生物。我之前唔係好知 tide pool 係咩，原來係潮退時有啲海水留咗晌近岸㗎石堆中，會有好多海洋小生物晌裏面。所以我哋揾咗一日早上係潮退，就去沙灘啦！

去到人仔一見沙就要我抱，我先同佢去一個 tide pool 睇吓。由於啲石都唔易行，人仔驚成日話要抱，但又抱唔倒，所以行咗少少就出返嚟，我都冇細心睇吓有咩生物，只係見有好多貝殼同兩條魚仔。

之後去沖浪，不過水好凍，我哋只係比啲水沖吓腳咁，沖兩沖人仔又驚，又要抱。

過咗一陣朋友到啦，呢個時候人仔好似變咗另外一個人咁，夠膽落地仲要晌沙度跑!

跟住我哋一齊再去 tide pool。朋友一睇就見倒有好多生物，我仔細睇睇，原來真係有好多!最多係寄居蟹同蟹仔，魚仔都唔少，另外又有啲珊瑚之類㗎生物。

行咗兩轉 tide pool，人仔㗎爬石技術好咗，又冇咁怕污糟，叻仔!

之後我哋一齊 picnic, 食吓嘢，傾吓計，咁就到人仔 nap time, 我哋走啦!

一向我唔係特別鐘意去海灘，可能有啲怕污糟怕麻煩啦!但其實玩落又覺得幾舒服， tide pool 又好有趣。對我同人仔嚟講都係好好㗎經驗呀！

Legoland 一日遊

久違了的家庭日!老公終於得閑，可以一家三口出去玩啦！今次 day trip 去咗 Legoland。

一入去就去坐火車，跟住晌 playground 玩咗一陣。

人仔大個仔啦，自己揸車！可惜駕車壞壞地，結果要工作人員推車！

話明 Legoland, 當地隨地都有 Lego 玩。好鐘意呢啲大大舊，軟軟地㗎 Lego。

呢個坐消防車+救火 ride, 一家人一齊合作咁玩，好好玩，我哋玩咗幾次呢！

好欣賞有啲 ride 排隊㗎地方有 Lego 比小朋友玩，咁就唔洗咁悶啦！

我哋仲專登帶咗游泳衣物玩水，人仔玩到濕晒，玩得好開心。

下午要人仔坐 stroller, 希望佢瞓個覺，點知佢又唔肯瞓。雖然冇瞓覺，又睇得出佢好攰，但全日都冇扭計。玩完一樣佢想再玩，我哋話不如玩另一樣，佢又肯。玩最後一樣之前係咁同佢講話呢個係最後㗎啦，玩完就離開去食飯㗎啦，佢又真係好乖咁一齊離開。食晚飯時食得好好，食完上車至瞓。表現好好，低我哋多帶佢出去玩!

魚魚圖書館

某日早上冇活動，諗起有幾個朋友介紹過某區㗎圖書館好靚，於是就同人仔去吓。嗰度有個大魚缸，所以我同人仔講話我哋去魚魚圖書館。

一入去就見到個大魚缸，真係好靚啊!入到去又有大恐龍、燈塔、穿梭機。。。

愛車㗎人仔每樣只係睇兩眼，一邊行，一邊話“呢度可能有車車。”行咗一圈，揾倒一個 section 有好多關於車㗎書，就坐低睇書，本本都係關於整路工程車㗎書!

之後再行吓，仲見倒好多中文書!如果我住近啲就好了，可以成日去借中文書了。好在屋企附近㗎圖書館都有少少中文書！

呢個圖書館真係好靚，但我覺得佢燈光唔夠，同埋難揾書啲，可能係唔熟格局啦。不過得閑去吓都唔錯，下次可以帶埋午餐去出面個公園野餐！