蒸津白卷

以前屋企成日會買碎肉用嚟整肉餅、蛋角。不過自從聽倒話D碎肉機好污漕之後就冇買碎肉喇。最近仲要聽倒個朋友話工廠攪碎肉時如果跌咗隻老鼠入去都會照攪，好恐怖！

最近時間多咗，所以試吓自己剁碎肉。之前剁過豬肉，用嚟整肉餅、包雲吞同整蛋角。

今次試吓剁雞肉。原來雞肉容易剁D架！今次整津白卷。好耐以前整過一次，之後就冇整過。雖然又要剁肉，又要切粒，不過都唔係好花時間，因為蒸嗰陣唔洗理佢。今次調味唔夠，下次醃肉時重手D先！