跑步 group 有朋友介紹呢個 5k, 近近哋,唔洗錢,嗰日又得閑,咪報名囉。
呢排跑少咗, 5k 前兩星期某日跑咗2 mile 幾,之後嗰日腳有啲酸痛。嘩,大濟,弱咗咁多,呢個5k 點算?唯有盡力練吓啦！30分內完成算啦。
當日天氣好好,用少少快但舒服㗎速度開始。
好快見到大牌寫住"1"。"咦,咁快1 mile 嘅。。。"繼續前進。
好快又見到"2",咁快又到2?仲有1 mile 咋,加速啦！
見倒 "3"啦,到啦！衝呀！
睇真啲,原來係3 km! 唔怪得咁快就到啦！
開快咗,仲有2km 喎，點捱呀。。。
啱啱有人晌前面阻住,回一回氣放慢少少先再繼續。
到4km 啦,仲有1k咋,捱埋佢呀！
咦,見到終點喎,開始衝呀！
咪住,原來要轉彎再跑又 u turn 返轉頭晌另一邊跑去終點。。。
跑跑吓聽倒有個阿叔同個妹妹講 "24:xx"
咦,24分幾,我遲出咁我可能可以25/26分完賽喎!
轉多個彎終於都見終點啦,衝呀！
衝線見大會個鐘 "24:xx"
睇吓自己個 app "7:52"。心諗個 app 又傻咗,只記錄咗7分鐘,等大會出時間啦。。。
再睇真啲,7:52 係 pace 啊！時間係 23:05。不過距離係 2.93 mile, 唔夠 3.1 mile。咁算唔算 PB 呢?
No comments:
Post a Comment