以前以為只係剛出世架BB至鐘意被swaddle。原來幾個大架BB都鐘意架!人仔剛出世時，醫院D護士同佢包到實一實。老公發現佢被包實時瞓得好定，於是努力學包。返到屋企之後都嘗試包住佢，不過包來包去都冇醫院D護士包得咁好。而且人仔好活躍，我地覺得佢唔鐘意被包實，所以我地再冇包住人仔。
先一排同個aunty傾計，佢個孫八、九個月大，最近發現用swaddling blanket 包住佢佢就瞓得好定，又瞓得長D。我至知原來swaddling 對大BB都有效。
有一晚人仔半夜醒幾次，抱住佢tum佢瞓，一放底又醒，於是我就用swaddling blanket 包住佢。嘩!佢真係瞓得好定，放佢落床仔時冇醒，之後仲一路瞓咗幾個鐘!
依家晚晚都包住佢瞓，佢瞓得定好多，有幾晚仲可以由一點幾瞓到五、六點!swaddling blanket 萬歲!
No comments:
Post a Comment