橙啫哩

睇FB見有個朋友整咗，橙+啫哩，我老公一定鐘意食!仲比我一諗就諗倒點整!屋企啱啱有一包橙味啫哩粉同剩返一隻橙，所以整咗比老公嘆!

得意又易整，整嚟去party 啱哂!

Swaddling 萬歲!

以前以為只係剛出世架BB至鐘意被swaddle。原來幾個大架BB都鐘意架!人仔剛出世時，醫院D護士同佢包到實一實。老公發現佢被包實時瞓得好定，於是努力學包。返到屋企之後都嘗試包住佢，不過包來包去都冇醫院D護士包得咁好。而且人仔好活躍，我地覺得佢唔鐘意被包實，所以我地再冇包住人仔。

先一排同個aunty傾計，佢個孫八、九個月大，最近發現用swaddling blanket 包住佢佢就瞓得好定，又瞓得長D。我至知原來swaddling 對大BB都有效。

有一晚人仔半夜醒幾次，抱住佢tum佢瞓，一放底又醒，於是我就用swaddling blanket 包住佢。嘩!佢真係瞓得好定，放佢落床仔時冇醒，之後仲一路瞓咗幾個鐘!

依家晚晚都包住佢瞓，佢瞓得定好多，有幾晚仲可以由一點幾瞓到五、六點!swaddling blanket 萬歲!

藍苺蛋糕（附食譜）

藍苺係其中一種superfood,好有營養又好味，我好鐘意食!今日見超級巿場藍苺減價所以買咗幾盒返嚟。好耐冇整餅喇，所以用咗少少藍苺嚟整個藍苺蛋糕。本來想整muffin,不過冇晒muffin紙，所以就用個loaf pan 嚟整。


材料：
1/4 杯牛油
1杯麵粉
1/2杯糖
1隻蛋
1/4杯奶
1/4茶匙泡打粉
1/4茶匙鹽
3/4杯藍苺

1, 預熱焗爐至350F。
2, 將麵粉、泡打粉、鹽拌勻。
3, cream together 牛油同糖，加蛋拌勻，再加奶，然後加麵粉混合物。
4, 加入藍苺。
5, 放入焗盆，焗35至40分鐘。

rosemary 雞串

 

煮雞柳，多數都係煎或者加D蔬菜炒。前幾日睇大少奶個blog,見佢有個餸係用煙肉卷住雞柳再用rosemary串起，然後焗。好似好簡單又好好食咁，等我又試試先。

屋企冇煙肉，所以只係醃咗D雞然後用rosemary串起。我發覺唔係好易穿，所以用支竹簽吉穿咗D雞，然後再用rosemary穿，咁就易穿好多喇!

味道都唔錯，有煙肉會更加香!

I love my job!

我好幸福，BB出世兩個月之後至開始返工，仲只係返part-time. 我識好多朋友生完一個月就返工，幾辛苦。

其實我返全職屋企架經濟會好好多，不過我地雙方家長都唔晌美國，而我老公又好堅持要自己湊BB，所以我依家返part-time. 我媽返香港之前我就返多D，佢返去我就只可以返weekend喇。

做Healthcare真係唔錯，返工時間可以好flexible, 又容易搵工，而且工作性質係幫人，好有滿足感。做物理治療更加好，因為唔洗返夜班，冇理由半夜三更叫醒人做運動咁麻!

依家我晌醫院做，主要工作係評估病人架活動能力，鼓勵病人活動同教病人點起身落床行。唔好以為起身落床行好簡單，當個病人晌ICU, 插住幾十條喉，要扶佢坐起床邊，至少要兩個人，仲要小心睇住佢架情況，一路check 住心跳、血壓等等架vital sign, 都唔簡單!

有時夜晚瞓得唔好，第二日又要返工，都幾攰。不過我好鐘意份工，每次放工都好滿足，而且唔係日日返，所以都唔辛苦！