又係遲咗，近來懶寫 blog, 但都好想記錄返日常生活同小朋友㗎成長，佢哋大得好快，唔寫低好快會忘記晒!
瞓得越來越差，可能啱啱感冒，呢個星期夜晚兩三個鐘就醒，日間瞓一陣又喊醒，唔夠瞓又炆啲，攰到我呢。。。
食嘢就好叻，似當年㗎人仔咩都食!見佢開始識咀嚼，就唔再打泥，轉切粒，又食倒喎。粥仔飯仔照吃。有時整蕃薯紅蘿蔔切條比佢當 finger food 食，練習吓手指仔。
活動能力繼續進步。坐得好穩，識正式爬，扶住企時可以行兩步。好鍾意企，不過我想佢爬多啲。
呢個月又講多咗嘢。好鍾意同人玩，成日同哥哥玩到哈哈笑。兩個相親相愛係好事，不過一齊瞓午覺時，佢哋掛住玩唔瞓覺都幾激氣。有時我瞓咗佢哋都未瞓!
咁就八個幾月啦，湊住兩個，時間過得好快呀！
小朋友病父母最辛苦，你都要好好保重~~
ReplyDelete佢食嘢又真係幾叻喎，有哥哥做榜樣，我諗學其他嘢都快D^^
多謝你啊！
Delete有哥哥跟住，媽媽又有少少經驗，弟弟係學得快啲呀！
話咁快就8個月喇................又好唔捨得喇
ReplyDelete我個女又係, 越訓越差, 早上啲NAP , 訓十分鐘無啦啦冇聲都會醒, 激死我
真係唔捨得呀！但有時又想佢快啲大，容易湊啲，真矛盾!
Delete八個月㗎 BB 可能開始鍾意玩唔鍾意瞓!
食嘢好叻呀﹗八個月已經唔使打泥﹗
ReplyDelete陪瞓晏覺我都好怕佢哋是但一個搞搞震搞到另一個唔瞓，因為佢哋唔瞓我就無得抖，哈哈...
其實我見佢 poo poo 有啲食物粒，但我見佢有咀嚼又吞倒就算!
Delete瞓覺真係煩，最好有個掣一㩒佢就會瞓著!哈哈！