醫院走一轉

琴日一早去三十七周産檢，諗住都係一切正常，依舊安排好一日活動。記得上一胎臨尾會照多次 ultrasound, 但上兩次問都話應該唔會照。今次一入醫生房就見部機，知道會照，就同人仔講可以見到二號啦，又準備定電話諗住影張相比老公睇。點知照 ultrasound 時，醫生話我羊水少，再度吓個肚，佢話個肚細。明明覺得今胎個肚大啲㗎喎!之後就叫我去醫院 labor and delivery，因為嗰度啲儀器好啲，可以 check 清楚個 B 有冇事。結果就即刻揸車去醫院，沿途就不停同人仔解釋要去醫院，好在佢都好合作。晌醫院同老公會合，之後 check-in.

入房後就接駁 monitor check 住 BB 心跳同 contraction. 之後又照 ultrasound. 結果羊水冇少，屬 borderline, BB 發展亦正常。check 心跳時有個小問題，但再仔細驗查之後都係正常，可以返屋企。

入院時都有啲擔心係胎盤提早退化，以致羊水少同 BB 發展慢，驚要即刻開刀攞佢出嚟。好在最後一切正常，希望 BB 再大啲，至少都等到婆婆嚟至出嚟啦！