幾時至會瞓天光?

呢兩晚人仔又係咁醒，我同老公話可能佢出牙仔，唔舒服。跟住老公話：＂佢有幾時舒服過吖!＂

哈哈！又係喎!初生時佢成日喊，似係colic. 跟住佢又有濕疹成日痕攪到成日醒。之後學反身又係成日醒。中間又可能係growth spur 所以又成日醒。最叻一次係由八、九點瞓到五點幾!但只係得一次⋯ 最近比較好時係三、四點醒⋯

有時佢半夜醒咗喊，我都想喊埋一份!晚晚都係我＂on call "真係幾攰⋯
唉，佢幾時至會自行入睡，幾時至會一覺瞓天光?

成功趕走腰痛⋯要繼續努力!

前兩日lower back 有少少痛，可能係抱仔、換片姿勢唔好⋯ 唉，成日教人要保護腰骨，自己都做唔好榜樣添⋯

於是琴晚攬住個彈彈波做咗幾個abs exercise, 練下D core muscle，同伸展下。

做完真係舒服D，冇痛喎!

年紀開始大喇，要小心D⋯⋯

Chocolate mousse cake recipe

參考大少奶食譜，記底佢遲D整!



半甜朱古力   150g       

淡忌廉   40g

淡忌廉     打起300g

將朱古力座熱水煮溶，另一個煲仔同時座熱40g淡忌廉，座到好熱好熱

將熱既淡忌廉加落朱古力中，攪勻至朱古力滑身，令既，呢個叫乳化程序

300g淡忌廉打起6成，與朱古力foin in，倒落模至少雪3個鐘便成

身仔肌肉

由於七個幾月大㗎人仔仲未識自己坐，所以我呢個虎媽物理治療師同佢進行＂特訓＂!哈哈!

所謂＂特訓＂，其實只係比佢坐多D，因為我發覺佢平時一係扒住玩，一係就坐high chair/ swing, 都有椅背，好少unsupported sit, 所以呢兩日比佢坐多D，練下D＂身仔肌肉＂（core muscle) 同平衡感。＂特訓＂咗兩日，佢又真係坐得好咗喎!＂身仔肌肉＂强壯咗!