Yamaha music class

好耐冇寫啦，好懶呀！成日覺得冇咩好寫，但係其實二號十三個月大都未寫，到十四個月至一次過寫啦！
今次寫吓哥哥。三月頭開始上音樂堂啦！之前試過幾堂，有班唔鍾意，有班開唔成，近屋企嘅時間唔啱。最終晌遠少少揾倒一堂可以上。
上堂都係唱吓歌，認吓音符，彈吓 keyboard 咁，鍾意音樂㗎人仔好鍾意，成日問我幾時去，又肯做功課同練習。依家成日要聽上堂嗰啲歌，我反而想佢好似以前咁咩歌都聽吓呢！希望佢會繼續喜愛音樂!
同佢上堂都幾開心，唯一煩嘅係我要帶埋二號去。一歲㗎二號有時坐唔定又瞓唔倒覺大聲叫，所以好多時我上上吓堂就要走出去，好在人仔鍾意上堂，所以肯坐定定自己上。