又玩雪

老公有假放，聽人講有個地方唔遠又有雪玩，於是我哋一家出發上山去!

之前一日落過雨，諗住山上會多雪，但原來唔夠凍，一路上山都唔見雪，幾驚冇雪人仔會好失望。

好在去到都仲有少少雪，但已經變成冰咁唔好玩。玩咗一陣人仔已經扭計話要走。

一家人揸成個幾鐘頭車一場去到，我哋唔想咁早走，於是行吓山去附近一個湖。人仔一路行一路扭計，我哋要一路 tum 佢同 distract 佢至行到。

好在去到個湖仲有少少雪。由於我孭住二號唔想跌倒，所以只係老公同人仔去玩雪。人仔玩完雪成個開心晒!