BB 爬行比賽

兩星期前帶二號參加咗爬行比賽。十一個月大㗎佢好快識行，今次唔去就冇機會啦！二號好活躍好鍾意爬，所以好想佢玩一次。其實參加呢啲比賽，都係大人想玩多啲！哈哈！之前晌香港見到有，但啱啱走咗，好在晌呢邊揾倒個參加。

當日有其他 Kid race, 跑完晒就到啲 BB 啦！大會即刻晌終點前舖張地。每5個BB 一組，有啲爬得快，有啲慢，有啲未識爬，有啲突然企起身行，個個都好得意!

排咗一陣就到二號啦！愛爬㗎佢一馬當先。中途停過吓，八卦吓周圍㗎嘢，最後最快到終點!每個BB都有個完成紀念牌。二號咁就完成咗人生第一場“比賽”啦！

二號11.5 個月

哈!又遲咗，過多兩個星期就一歲了！

食
3奶3固，鍾意食嘢咩都食，開始有食唔晒㗎情況。餵佢食一樣嘢，如果突然轉另一樣嘢，佢會吐出嚟，但比多兩比佢又會食。奶係埋身餵，好耐冇用奶樽了！覺得佢鍾意食嘢多過奶，可能好快戒奶。

瞓
日間小睡兩至三次，但有時一次，視乎嗰教幾長同咩時間。要就哥哥活動時間，所以好難日日同時瞓。好醒瞓，好多時瞓唔夠醒咗就唔再瞓。夜晚仲係會醒，瞓瞓吓會喊得好慘，跟住就瞓我旁邊。

活動能力
好活躍，爬得好快，可以自己企幾秒，我相信佢好快行得。開始識另轉身落床落樓梯。

溝通
識講 Mama, baba, 見有嘢食會講 mum。有時我講 hello 佢識揮手。好鍾意同哥哥玩，哥哥叫佢又一齊叫!開始有少少脾氣。攞佢手上㗎嘢或者唔比佢攞一啲嘢佢會 ma ma 聲。

個性
坐唔定，好鍾意玩又好大膽。

New Year Race 5K

友人好耐之前問過我跑唔跑，我想但唔記得報名，到上星期再提起至記得報!呢個比賽係下午，好少有，本來諗住一家人咁去，但最後都係覺得有啲煩，所以老公同啲仔冇去。

原來有成十個人一齊，有人一齊係好玩啲!

今次跑時都係冇理 Pacing, 隨意跑。一開始慢慢嚟，唔敢好似上次咁開快車!

賽道冇 mile marker, 所以一路唔知自己跑幾遠，慢慢跑順咗就加快，成績係 28：38，比最佳時間慢三分幾。

依家冇時間練長，可以練速度，唔知有冇機會破自己紀錄呢？

又玩雪

老公有假放，聽人講有個地方唔遠又有雪玩，於是我哋一家出發上山去!

之前一日落過雨，諗住山上會多雪，但原來唔夠凍，一路上山都唔見雪，幾驚冇雪人仔會好失望。

好在去到都仲有少少雪，但已經變成冰咁唔好玩。玩咗一陣人仔已經扭計話要走。

一家人揸成個幾鐘頭車一場去到，我哋唔想咁早走，於是行吓山去附近一個湖。人仔一路行一路扭計，我哋要一路 tum 佢同 distract 佢至行到。

好在去到個湖仲有少少雪。由於我孭住二號唔想跌倒，所以只係老公同人仔去玩雪。人仔玩完雪成個開心晒!