三日兩夜 Palm Springs 遊 -- day 2

第二日朝早襯啲仔未起身就浸吓浴嘆吓。放假唔洗做家務又乘機嘆吓!

朝早攪掂就去坐纜車上山啦！見到個山又高又斜，其實我好啲驚，但人仔就好興奮!

上到山著好衫就出去玩雪啦！其實嗰日唔係好凍，好舒服。晌纜車站要行一條大斜路落山至有雪玩，好在地唔 icy，好安全。不過婆婆都係同二號留晌室內。

雪唔多，不過都玩倒。我哋都係掟吓雪球，砌吓雪人咁。

玩到十二點幾就行返上纜車站食午餐。食完又玩多轉。今次見有個叔叔同個仔玩掟雪球，人仔又加入玩埋一份!佢係好鍾意同其他人一齊玩，去咩地方都好識倒朋友仔一齊玩!

玩到三點就返去車站啦！我去餵二號，人仔就同婆婆飲熱朱古力。之後就坐返纜車落山。我又驚過。。。

坐落山，上車後兩個好快瞓咗。我就同婆婆遊車河，睇吓 Palm Springs 呢個小鎮。

佢哋醒就去食晚飯，之後返酒店。我見有人 gym, 又走去玩吓，好好享用吓酒店㗎設施!

之後同人仔沖涼瞓覺，咁又一日啦！