因家有喜事，婆婆過嚟唔夠兩個月就要返香港啦!老公又返新工請唔倒假，所以我要開始一湊二啦！
二號差唔多兩個月，開始上軌道。雖然仲係三個幾鐘餵一餐同半夜要餵夜奶，但瞓得好咗。好多時放低佢，佢喊幾喊就會瞓。日間有時瞓唔到就孭佢。要出街就孭住佢佢就會瞓。
二號差唔多兩個月，開始上軌道。雖然仲係三個幾鐘餵一餐同半夜要餵夜奶，但瞓得好咗。好多時放低佢，佢喊幾喊就會瞓。日間有時瞓唔到就孭佢。要出街就孭住佢佢就會瞓。
一拖二去圖書館
人仔都開始適應。之前二號清晨喊，人仔就會起身唔肯再瞓。如果我出咗去餵奶佢更會大喊要媽媽。依家二號喊佢會照瞓!又唔洗再聽故事或者聽歌瞓。同佢睇完書佢會自己合埋眼瞓。
家務方面，基本洗衫抺吓地嗰啲會做，其他做倒咩就咩。呢兩日都竟然買倒餸煮倒飯!
簡單炒烏冬
下午兩個都午覺㗎時候我都瞓吓，之後再做吓運動，hea 吓咁。
依家最辛苦係餵夜奶攪到唔夠瞓，希望慢慢會好啦！
人仔媽好勁, 我見其他媽咪坐月又煲劇又訓覺
ReplyDelete你仲勁, 又去圖書館又買餸煮飯
我就乜都做唔到, 仲成日要長老嚟幫手
二號同我細細差唔多大呀, 一齊加油~
我見人話坐月悶，我不知幾羨慕!我嗰時又忙又唔夠瞓，不過依家好好多啦！
Delete一湊二仲做到咁多嘢，你好強呀﹗
ReplyDelete其實都係做得幾多得幾多，做唔到就算，有得瞓就瞓咗先，嘻嘻!
Delete一打二重做到運動，勁呀!
ReplyDelete我只做十分鐘倒咋。比人話我大肚腩，唔做唔得。。。
Delete好叻呀。。一湊二
ReplyDelete馬 c 落地行，唔得都要得㗎啦！
Delete好耐無黎，原來人仔已做哥哥，媽媽一湊二，勁呀～
ReplyDelete