又有朋友由香港過嚟玩啦!佢哋係我中學時代教會認識㗎朋友，以前我返香港都有見吓面，但近幾次返去都冇乜見，就算見都好少傾計，佢哋有咗小朋友之後我都冇見過佢哋啦！可以見吓面好開心呢！
其實佢哋只係出發前一星期左右至聯絡我，因為原來佢唔知我住晌 LA 呢！到出發前一星期至有人同佢提起!佢哋已經 book 咗 local tour, 所以本來都係諗住有機會就食餐飯，見吓面咁。點知佢哋個 tour 安排好差，接送食宿都唔掂。所以我哋接待咗佢哋一晚同接送去附近㗎景點。另一日又同佢哋食晚餐，同去買吓嘢。
其實咁反而令我哋多咗時間傾計，啲細路又可以一齊玩吓。佢哋走咗之後人仔仲不停講想同哥哥玩!
我好鐘意耐不耐有朋友過嚟玩。可以聚舊/認識新朋友之餘，人仔又有多啲人伴佢玩!唔知下次又會係邊個過嚟呢？
No comments:
Post a Comment