本來只係住26日，依家都唔知佢哋會住多幾多日。。。
Friday, July 31, 2015
Friday, July 10, 2015
參觀益力多廠
媽媽會又有活動啦，今次係參觀益力多廠。原來屋企附近舊年開咗間益力多廠我都唔知，有機會同其他媽媽一齊參觀，當然唔會錯過啦！
一早去到集合，首先睇吓大堂一啲展品。
之後入課室坐低聽吓益力多歷史，製作過程等。
要一大班細路坐定定唔易，好在有益力多 sample 派比大家飲。
之後就睇製作過程。我哋晌樓上隔住大玻璃咁睇，都幾有趣，可惜唔影得相。人仔同其他小朋友一樣，最鐘意就係睇入樽同包裝過程。
話咁快，一個鐘㗎參觀就完啦，好多謝媽媽會攪手攪呢個活動呢！
Tuesday, July 7, 2015
童書分享～ Hooray for Hat, Bulldozer's Big Day
成日同人仔去圖書館借書，都會借倒啲好書。我鐘意啲有故事㗎童書，簡單得嚟又有啲意思，唔洗刻意話要教小朋友咩道理，但睇完發覺有啲道理包含晌入面，又或者有優默感。有啲書，人仔係會睇到卡卡笑，耐唔中講返個故事出嚟佢都會笑㗎!
成日想記錄低，不過都唔記得記錄就要還了，今次襯記得就記錄吓啦！
Hooray for Hat!
故事講啲隻大象好 grumpy, 但收到一盒帽之後就開心返。
之後佢探每一隻動物都係 grumpy 嘅，佢就送帽比佢哋令佢哋開心。
去探獅子時獅子收到帽之後都唔再 grumpy,但佢仍然關心唔舒服㗎長頸鹿，之後，到底啲動物會做啲咩呢？
睇呢本時人仔會一邊扮 grumpy 同 happy 㗎樣，好得意!
一本簡單㗎書，就帶出要關心別人，令身邊㗎人開心㗎道理，又讓小朋友認識情緒。
Bulldozer's Big Day
一睇呢本書個封面就覺得好吸引了！公仔得意，故事有趣，仲要係人仔至愛㗎工程車呢！
故事講 bulldozer 生日，佢去地盤揾佢啲朋友仔慶祝，點知個個都唔知當日係咩日子。
正當 bulldozer 失望之際。。。
Monday, July 6, 2015
沙灘樂
國慶日周未約咗幾家人一齊去海灘玩!天氣炎熱，不過去到海灘就好舒服!上幾次去海灘，人仔都好驚沙。一入到沙灘就唔敢行，玩沙又只用鏟玩，唔敢用手掂沙。今次一去到佢都驚，不過好快適應咗啦！
同小朋友玩得好開心!
玩玩吓仲用沙埋自己對腳，一啲都唔怕沙!
Thursday, July 2, 2015
有朋自遠方來
又有朋友由香港過嚟玩啦!佢哋係我中學時代教會認識㗎朋友，以前我返香港都有見吓面，但近幾次返去都冇乜見，就算見都好少傾計，佢哋有咗小朋友之後我都冇見過佢哋啦！可以見吓面好開心呢！
其實佢哋只係出發前一星期左右至聯絡我，因為原來佢唔知我住晌 LA 呢！到出發前一星期至有人同佢提起!佢哋已經 book 咗 local tour, 所以本來都係諗住有機會就食餐飯，見吓面咁。點知佢哋個 tour 安排好差，接送食宿都唔掂。所以我哋接待咗佢哋一晚同接送去附近㗎景點。另一日又同佢哋食晚餐，同去買吓嘢。
其實咁反而令我哋多咗時間傾計，啲細路又可以一齊玩吓。佢哋走咗之後人仔仲不停講想同哥哥玩!
我好鐘意耐不耐有朋友過嚟玩。可以聚舊/認識新朋友之餘，人仔又有多啲人伴佢玩!唔知下次又會係邊個過嚟呢？
Subscribe to:
Posts (Atom)