餵人奶

當我仲係single時，同一位已為人母㗎朋友講過，如果我有BB，我一定餵人奶。跟住佢話，唔係想餵就有得餵。當時我唔明，唔知有咩困難，依家自己試過，終於明白!

初初埋身餵人仔，佢唔係好食倒，攪到dehydration,尿尿橙紅色。而且我比佢啜/咬到好痛。於是我要加奶粉，又pump人奶用樽餵。當時都擔心人仔會乳頭混亂，以後會唔識埋身食。

上星期開始朝早四、五點𠴱餐埋身餵，仲試埋側臥姿勢，舒服D!又得喎!可能人仔為食，唔理係人係膠，總之有奶出嘅就啜!埋身餵雖然比樽餵耐D，不過就洗少個奶樽，而且唔洗去雪櫃攞奶坐熱，直接食，最新

嚟兩日加多咗奶比佢，又開始要加奶粉喇⋯⋯希望快D有多D人奶喇!

發燒⋯

前晚開始有少少鼻水，琴日開始攰，中午訓咗個覺，之後夜晚好早訓，諗住訓醒會好返，點知今朝仲唔舒服，返唔倒工⋯我依家係per-diem咁嘛，即係手停口停。不過算喇，返去傳染咗比D病人仲大劑。留晌屋企都驚傳染比BB同屋企人，我又唔想BB同老公出廳訓，所以自願做廳長，自我隔離，希望唔好有人中招⋯

今日訓咗成日，又頭痛又發冷又有鼻水，摸摸額頭又唔覺興。到下午覺得個身有少少興，走去探熱先發現自己原來發燒⋯ 由於餵緊人奶，所以唔係好想食藥。有D藥雖然話係安全唔會影響BB，但都會過倒去D人奶度，有D藥又會令人奶減少，所以都係可免則免。

都係飲多兩柸水然後訓一大覺，希望聽日好返！

兩個月喇！

前幾日帶BB去睇醫生做定期檢查，佢有11lbs 10oz! 長22.5 inches. 當日仲打咗三支針人仔好叻呀，喊咗一喊就冇喊喇！

我同醫生話人仔好多spit up,醫生就問佢每日食幾多。我話每日六餐，每餐五至六安士。醫生話佢可能食得太多！於是我每餐改餵四至五安士。一開始都驚佢唔夠飽，但係佢又ok喎，而且依家喊少咗。唔知係咪佢之前食得太多攪到唔舒服喊呢?

減咗佢食㗎份量之後，我㗎人奶終於都夠佢食。呢兩日都係全人奶，冇加奶粉！好嘢！