童書分享～ Hooray for Hat, Bulldozer's Big Day

成日同人仔去圖書館借書，都會借倒啲好書。我鐘意啲有故事㗎童書，簡單得嚟又有啲意思，唔洗刻意話要教小朋友咩道理，但睇完發覺有啲道理包含晌入面，又或者有優默感。有啲書，人仔係會睇到卡卡笑，耐唔中講返個故事出嚟佢都會笑㗎!

成日想記錄低，不過都唔記得記錄就要還了，今次襯記得就記錄吓啦！

Hooray for Hat! 

故事講啲隻大象好 grumpy, 但收到一盒帽之後就開心返。

之後佢探每一隻動物都係 grumpy 嘅，佢就送帽比佢哋令佢哋開心。

去探獅子時獅子收到帽之後都唔再 grumpy,但佢仍然關心唔舒服㗎長頸鹿，之後，到底啲動物會做啲咩呢？

睇呢本時人仔會一邊扮 grumpy 同 happy 㗎樣，好得意!

一本簡單㗎書，就帶出要關心別人，令身邊㗎人開心㗎道理，又讓小朋友認識情緒。

Bulldozer's Big Day

一睇呢本書個封面就覺得好吸引了！公仔得意，故事有趣，仲要係人仔至愛㗎工程車呢！

故事講 bulldozer 生日，佢去地盤揾佢啲朋友仔慶祝，點知個個都唔知當日係咩日子。

正當 bulldozer 失望之際。。。

科學小實驗～梳打粉加醋

上網見有呢個小實驗可以同小朋友一齊做，就係將梳打粉加落加咗色素㗎醋度，會“咋”一聲同有好多泡泡出嚟。有日見屋企有齊材料，於是就試吓同人仔玩。

我先預備好顏色醋同梳打粉，人仔就負責倒啲醋入去梳打粉度。

一倒落去就“咋”一聲好多泡泡出嚟，啲泡泡好快就爆晒，留底少少顏色醋。

人仔好鐘意睇，係咁話“再嚟一次”。結果玩到樽醋都就嚟無晒!

簡單的 Sensory play

Sensory play 對幼兒感觀發展好重要，所以呢排一有機會就預備啲簡單㗎 sensory play 比佢玩。其實我預備嗰啲都好簡單，估唔到人仔又玩得好開心喎!

番梘水+量羹+沖涼玩具
某日我煮飯時，整咗盆番梘水比人仔玩，咁我就可以邊煮飯邊同佢玩啦!佢玩玩吓仲攞咗對學習筷子出嚟，玩玩吓就學識用呢對筷子啦！

忌廉+食用色素
有次整蛋糕用乘一啲忌廉唔記得咗，我驚壞，於是加啲色素比人仔玩。

Shaving cream+食用色素+沖涼鴨+匙羹
一開始佢唔係咁想掂啲 shaving cream，於是比咗啲沖涼鴨同匙羹佢，等佢玩吓，之後就冇咁驚啦！

DIY 泥膠

泥膠係好好㗎玩具，好玩之餘，又可以訓練手仔肌肉，發揮小朋友創意。我自己好怕泥膠陣味，所以選擇一自製泥膠比人仔玩。

之前有整過泥膠比人仔玩，但舊泥膠放咗一段時間就好痴，今日再整過舊新㗎比佢玩。

今次嘗試整咗至加色素，比人仔參與吓加色素。

比把膠刀佢學切嘢。

以前佢怕掂泥膠，依家唔驚啦，可以成隻手拍落去，又肯“初”泥膠。

勞作時間:無頭蜜蜂!

某日同人仔做吓 fine motor skill activities.  比佢撕紙,搓埋一舊。

又學用剪刀,佢開始識剪嗰吓,但剪完未開倒把剪刀。

之後心血來潮同佢做隻蜜蜂,因之前晌backyard 見過,最近睇書又有。毫無美術天份㗎我同佢一齊做咗個身同翼之後,諗唔倒點做個頭!哈哈!將來返學要用咩親子勞作就慘了！

隨意的聯線練習

比支筆人仔畫畫,好多時會變成我畫車車比佢睇。人仔鐘意啲車一架拖住一架,於是我就畫啲車,然後我叫佢畫啲線將一架架車拖住。估唔到畫條直線都唔易㗎,唔怪得我見好多練習簿都有聯線練習啦!

之後我又畫啲人同車,叫人仔畫啲線帶啲人搭車。開頭都有畫,但之後唔肯畫,佢話啲人唔搭車,要行路喎。好在唔係要交功課,唔係就激 c 我了！哈哈!

形狀

呢排正式教吓形狀。有次指住個三角形，問人仔係咩形，佢答：“藍色”。好似啲人壓力太大，攪到講嘢九唔答八咁!哈哈！

人仔，我都好 hea 㗎啦，你唔係咁都有壓力吖!哈！

ABC

教英文字母都教咗一輪，其實只係 hea 住教，有靈感時就整啲小遊戲比佢晌玩之中學。

平時同佢睇書時有時又教吓，出街見倒啲牌有字母又指吓比佢睇咁。唔知幾會學識 26 個字母呢？

字母火車

人仔實在太愛車，所以教材都係用車至吸引到佢。某日教緊佢 'A' 'B' 㗎時候有字母火車呢個構思。於是即刻畫㗎火車，車卡上寫上 'A' 'B', 然後再晌圓形貼紙(做車轆)上分別寫上 'A' 'B'。玩法就係按車卡貼上對應㗎字母轆。

人仔要少少提示至識貼，不過第二見到個 'B' 字㗎時間又識講 'B' 喎，但係又唔係次次講啱，都係要慢慢教多幾次㗎啦！

呢個活動除咗可以學字母之外，又可以訓練小手肌肉，手眼協調。而且學其他字母，英文大細楷，什至數字，顏色都係，可以玩好多次啦！

顏色配對 2

某日佢又攪廚房櫃，比佢搵到個裝蛋㗎碟，係唔知邊個無用比咗我。我其實都冇用，不過見佢靚靚地，就 keep 住佢。估唔到可以成為教材呢！

首先我指住其中一間問佢人仔係咩色，佢就一如既往咩都答藍色!哈哈。咁我就教近返佢正確顏色，然後再請佢揾相同顏色㗎一格。佢一嚟都係亂指，但係提吓佢佢又會睇真 d ，然後會指啱。一個簡單又唔洗預備㗎遊戲，唔錯。

顏色配對 1

人仔仲未識分顏色，睇嘢又成日走漏眼，玩吓顏色配對應該有幫助。

屋企有幾個唔同顏色㗎碗，又有一堆唔同顏色㗎膠蛋，搵幾個同 d 碗一樣顏色嘅，然後要佢將蛋按顏色放入碗就得啦。

幾個月前都玩過類似嘅，不過佢唔係好識玩。依家識玩啦。首先試分兩隻色，再分三隻色都分到。

之後我攞咗個之前做手工用剩㗎蛋盒，貼橙色同綠免色貼紙入去再要人仔放相同顏色㗎蛋入去。佢要少少提示就做到。

雖然人仔學顏色係慢少少，不過見佢有進步就好開心啦！

sensory play~ 泡泡，顏色水

某日我洗碗時人仔又要嚟，於是我就比佢嚟'幫手'。我洗個煲時，有好多泡泡，人仔就伸手落去玩，跟住我靈機一動，諗到可以滴 D 食用色素落去整顏色水。估唔到又幾好玩喎，色素滴落去時形成唔同㗎 patterns,又可以玩溝色。我當然乘機教吓人仔顏色啦！不過佢依然係咩都話藍色。。。

分顏色

某日人仔攞起張 label 紙晌度貼貼貼,於是我就隨手畫幾個格,教佢分顏色。佢差不多每貼一個都要少少提示,但我發現佢搣同貼貼紙都可以自己做,手指仔靈活咗呢！

另一次我攞咗幾張同貼紙同一顏色㗎紙，比佢對返顏色貼上去，一開始教一教佢佢就識跟返顏色貼。

其實一直都有教佢認顏色，不過佢好似唔係好識，次次問佢咩免色佢都話藍色，指住一樣嘢教佢係黃色，再問佢佢都係話藍色。佢係咪未了解顏色呢個概念呢？

長 vs 短

前一排玩㗎活動,依家至記錄返。之前教過大同細,今次就教長同短。

好簡單咁剪咗兩個長度㗎飲管,然後要佢分別放入長同短格。

睇相佢好似玩得好專心,實情係佢玩兩玩,就自創玩法,企飲管上駕 Lego 車上面。。。好一個訓練小肌肉㗎活動喎！

另一次,我整咗長蘿蔔同短蘿蔔。時啱啱去完 farm, 懶係配合返咁！

唔係車車人仔冇咩興趣!哈哈!依家有時問佢長短,佢都係亂答,仲未識,咔咔哈哈哈！ XD

From farm to table

上篇講到我地晌 Tanaka Farm 摘咗少少蔬菜。摘返屋企當然會煮嚟食啦！由洗蔬到切到煮到食,全程都比人仔參與吓,等佢知道平時餐枱上 D 食物係點嚟嘅。

少少紅蘿蔔,洋蔥同豆,加幾隻蝦一齊炒,自己落田摘嘅,特別好食!